Кунялари билан машҳур саҳобалар

ss

Куня араб тилидан олинган бўлиб, “лақаб”, “ном” ёки “унвон” деган маъноларни ифода этади. Кўпинча эркак ва аёл киши ўзига биринчи туғилган фарзандини куня сифатида атайди. Кунядан кўзланган мақсад киши ўзини улуғлашлигидир. Шу сабабли ҳам баъзи инсонлар ўзларининг машҳур фарзандлари номларига кунялайдилар. Кунялашликда аслида катта ёки кичик деган тушунча йўқ.

Расулуллоҳ соллаллоҳу алайҳи васалламнинг кунялари ҳадисларда машҳур – “Абулқосим” бўлган. Ушбу йўлни саҳобалар, тобеъинлар ва бошқа уламолар ҳам тутишган.

Қуйида кунялари исмлариданда машҳур бўлган саҳоба ва саҳобия аёлларнинг бир нечталарининг номларини зикр этамиз:

1 – Абу Бакр Сиддиқ розияллоҳу анҳу, исмлари – Абдуллоҳ ибн Усмон;

2 – Абу Убайда ибн ал-Жарроҳ розияллоҳу анҳу, исмлари – Омир ибн Абдуллоҳ;

3 – Абу Ҳурайра Давсий розияллоҳу анҳу, исмлари – Абдурроҳман ибн Сохр;

4 – Абу Айюб ал-Ансорий розияллоҳу анҳу, исмлари – Холид ибн Зайд;

5 – Абу Дардо ал-Ансорий розияллоҳу анҳу, исмлари – Уваймир ибн Зайд Хазражий;

6 – Абу Мусо Ашъарий розияллоҳу анҳу, исмлари – Абдуллоҳ ибн Қайс;

7 – Абу Саид Худрий розияллоҳу анҳу, исмлари – Саъд ибн Молик ибн Синон;

8 – Абу Зар Ғифорий розияллоҳу анҳу, исмлари – Жундуб ибн Жанода;

9 – Абу Толҳа ал-Ансорий розияллоҳу анҳу, исмлари – Зайд ибн Саҳл;

10 – Абу Қатода ал-Ансорий розияллоҳу анҳу, исмлари – Ҳорис ибн Рибъий;

11 – Абу Суфён ибн Ҳарб розияллоҳу анҳу, исмлари – Сохр ибн Ҳарб;

12 – Абу Шурайҳ розияллоҳу анҳу, исмлари – Каъб ибн Амр Хузоий;

13 – Абу Умома ал-Боҳилий розияллоҳу анҳу, исмлари – Суддий ибн Ижлон;

14 – Абу Саълаба Хушаний розияллоҳу анҳу, исмлари – Журсум ибн Ношир;

15 – Абу Базра Асламий розияллоҳу анҳу, исмлари – Надла ибн Убайд;

16 – Абу Масъуд ал-Ансорий розияллоҳу анҳу, исмлари – Уқба ибн Амр ал-Бадрий;

17 – Абу Бакра розияллоҳу анҳу, исмлари – Нуфайъ ибн Ҳорис;

18 – Абу Ҳумайд Саъидий розияллоҳу анҳу, исмлари – Абдуллоҳ ибн Амр;

19 – Абу Жуҳайфа розияллоҳу анҳу, исмлари – Ваҳб ибн Абдуллоҳ Суваъий;

20 – Абу Маҳзуро (Расулуллоҳ соллаллоҳу алайҳи васалламнинг муаззинлари) розияллоҳу анҳу, исмлари – Самура ибн Миъяр;

21 – Абу Марсад Ғонавий розияллоҳу анҳу, исмлари – Канназ ибн Ҳусойн;

22 – Абу Молик Ашъарий розияллоҳу анҳу, исмлари – Каъб ибн Осим;

23 – Абу Нужайҳ розияллоҳу анҳу, исмлари – Ирбоз ибн Сария;

24 – Абу Бурда Ансорий розияллоҳу анҳу, исмлари – Ҳониъ ибн Найёр;

25 – Абу Воқид ал-Лайсий розияллоҳу анҳу, исмлари – Ҳорис ибн Авф;

26 – Абу Ҳабба ал-Бадрий розияллоҳу анҳу, исмлари – Омир ибн Амр Мозиний;

27 – Абу Карима розияллоҳу анҳу, исмлари – Миқдом ибн Маъдикариба;

28 – Абу Руҳм Ғифорий розияллоҳу анҳу, исмлари – Кулсум ибн Ҳусойн;

29 – Абул-Ос ибн Робийъ розияллоҳу анҳу, исмлари – Луқойт ибн Робийъ;

30 – Абу Кабша ал-Анморий розияллоҳу анҳу, исмлари – Сулаймон (Набий соллаллоҳу алайҳиссаломнинг мавлоси).

Саҳобия аёллар:

31 – Умму Ҳабиба бинти Абу Суфён розияллоҳу анҳо, исмлари – Ромла бинти Сохр (Мўминларнинг онаси);

32 – Умму Салама розияллоҳу анҳо, исмлари – Ҳинд бинти Абу Умайя (Мўминларнинг онаси);

33 – Умму Ҳониъ розияллоҳу анҳо, исмлари – Фохита бинти Абу Толиб;

34 – Умму Сулайм розияллоҳу анҳо, исмлари – Румайсо бинти Милҳон (Абу Толҳа Ансорий розияллоҳу анҳунинг аёллари);

35 – Умму Дардо Ансорийя розияллоҳу анҳо, исмлари – Хойро бинти Абу Ҳадуд;

36 – Умму Қайс Ансорийя розияллоҳу анҳо, исмлари – Омина бинти Миҳсон;

37 – Умму Атийя Ансорийя розияллоҳу анҳо, исмлари – Насиба бинти Ҳорис;

38 – Умму Фазл розияллоҳу анҳо, исмлари – Фотима бинти Ҳамза ибн Абдулмуттолиб;

39 – Умму Фазл – Аббос ибн Абдулмуттолибнинг аёли — розияллоҳу анҳумо, исмлари – Лубоба бинти Ҳорис;

40 – Умму Нўмон ибн Башир розияллоҳу анҳума, исмлари – Амро бинти Равоҳа.

Имом Ҳофиз Абулфатҳ Муҳаммад ибн Ҳусайн Аздий ал-Мусилий )ҳижрий 374-йил вафот этганлар) кунялари билан машҳур саҳоба ва саҳобия аёллар ҳақида китоб ёзганлар. Ушбу китобнинг номи “Асмоу ман юърофу би кунятиҳи мин асҳаби росулиллаҳи соллаллоҳу алайҳи васаллам” – (Расулуллоҳ соллаллоҳу алайҳи васалламнинг саҳобаларидан кунялари билан машҳур бўлганлари).

Аллоҳ таоло барча саҳобалар ва саҳобия аёллардан рози бўлсин! Шу қатори бизлардан ҳам, ота-онамиз ва устозларимиздан ҳам рози бўлсин!

Абдуссамиъ Эргашев

Манбалар асосида тайёрлади.

ss

Ушбу хабарни улашинг

Post Comment